KKground... ......................... . 搜尋文章請按首頁左上角...................................................................................................@留言請按我@

2011年2月4日 星期五

[忽然一周第810期] 黎耀祥點醒張可頤


NG1
臨急上陣嘅張可頤,可能未熟讀劇本,一句簡單對白都 NG幾次,要同祥仔再三對稿。

TVB唔少上位小生、姐仔都想同兩屆視帝黎耀祥合作,希望可以俾佢醒番兩句貼士,開竅提升演技。不過祥仔講到明唔會教其他演員做戲,皆因未必人人受落。實情就係祥仔睇人嚟教。
好似最近佢開緊《法證先鋒 III》,女主角佘詩曼因跣親甩骹,臨時易角俾張可頤。唔講唔知,原來兩人 13年前喺劇集《香港人在廣州》合作過,對手戲仲唔少o忝。今次兩人再度碰頭,應該會擦出唔少新火花。可惜,可頤因為臨時拉伕上陣,連劇本都未刨好就要埋位。就喺上周五( 1月 28日),佢哋喺 Mega Box拍首日外景,可頤連簡單一個同祥仔對話嘅場口都 NG頻頻。好在第 2場有祥仔在旁教路,仲細心幫佢度稿改晒啲拗口對白,先可以愈拍愈順,兼趕得切喺日落收工。睇嚟呢三個月,可頤都有排俾祥仔點啦!



NG2
換轉另一場口,對白更加又長又拗口,祥仔索性幫可頤改順啲對白。


喺玩具店拍攝時,祥仔同可頤趁空閒揀玩具,但可頤就不慎走光。


13年前嘅《香港人在廣州》,張可頤係女主角,配鄭丹瑞,黎耀祥就係大配角,配梅小惠。

沒有留言:

張貼留言